Наверх

Прыём работ на рэспубліканскі конкурс для школьнікаў «Чытаем па-беларуску з velcom» працягнуты да 20 снежня

24.11.2017 Комментариев нет 162 Наш край

Арганізатары рэспубліканскага конкурсу «Чытаем па-беларуску з velcom», які праходзіць пры падтрымцы Міністэрства адукацыі Рэспублікі Беларусь, аб’яўляюць аб працягу прыему творчых работ. Улічваючы жаданне школьнікаў з усёй Беларусі далучыцца да ініцыятывы, перыяд падачы відэа на конкурс юных чытальнікаў працягнуты да 20 снежня 2017 года. Іншыя ўмовы застаюцца без змен. C падрабязнымі правіламі конкурсу «Чытаем па-беларуску з velcom» можна азнаёміцца па спасылцы.

Лепшыя, на думку журы, канкурсанты будуць названы да 29 снежня 2017 года і прымуць удзел у рэгіянальных этапах конкурсу ў 2018 годзе. Пераможцы рэспубліканскага фіналу атрымаюць смартфоны маркі Apple.

Арганізатарамі конкурсу прынята ўжо больш за 600 відэазапісаў. Каб праглядзець усе відэа, дасланыя на конкурс, спатрэбіцца каля 15 гадзін. Самыя папулярныя ў рабят паэты – Якуб Колас, Янка Купала, Рыгор Барадулін і Максім Багдановіч. Твор, які ўдзельнікі выбіраюць часцей за ўсё, – «Трэба дома бываць часцей» Рыгора Барадуліна. У рэйтынгу самых папулярных твораў таксама верш Якуба Коласа «Ручэй», урыўкі з паэмы Янкі Купалы «Курган», «Слуцкія ткачыхі» Максіма Багдановіча і твор Рыгора Барадуліна «Бацьку».

Самыя актыўныя на дадзены момант – вучні школ і гімназій Гомельскай вобласці. Менавіта яны штодня дасылаюць найбольшую колькасць відэаролікаў з уласным чытаннем беларускіх твораў. У рэйтынгу гарадоў першае месца ў Мінска – сталічныя школьнікі пакуль лідзіруюць па колькасці відэазапісаў. Другое месца па актыўнасці вучняў на дадзены момант у Слаўгарадскага раёна Магілёўскай вобласці. Трэці радок займае Глыбокскі раён Віцебскай вобласці.

Конкурс юных чытальнікаў «Чытаем па-беларуску з velcom» сярод вучняў 7-х і 8-х класаў школ і гімназій краіны стартаваў 11 кастрычніка. Каб паўдзельнічаць у конкурсе, рабятам трэба запісаць відэа, на якім яны чытаюць любы твор са школьнай праграмы па беларускай літаратуры. Затым трэба размясціць відэазапіс на асабістай старонцы ў адной з сацыяльных сетак (Facebook, «ВКонтакте», Instagram), а таксама пазначыць запіс афіцыйным хэштэгам конкурсу – #чытаемзвэлком або #чытаемзvelcom.

0

Также на нашем сайте

Комментарии

Добавить комментарий

Ваш e-mail не будет опубликован. Обязательные поля помечены *